Përfaqësuesi i Partisë Socialiste në Këshillin Politik, Damian Gjiknuri, ka debatuar me përfaqësuesit e opozitës së bashkuar, pas prezantimit të letrës që demokratët i kanë dërguar OSBE/ODIHR, ku kërkojnë ekspertizë për disa nga çështjet që kanë hasur në mosmarrëveshje mes palëve.
Ai iu ka kërkuar Oerd Bylykbashit dhe Petrit Vasilit të sjellin propozime konkrete. Damian Gjiknuri ka thënë se nuk mund të firmosë letra të njëanshme, dhe se sipas tij, opozita nuk ka sjellë asnjë propozim konkret.
“Nuk mund të firmos letra të njëanshme. Letra juaj, vazhdim i retorikës politike. Nuk keni sjellë asnjë draft e propozim konkret.
Nuk po sillni draft, nuk keni reflektuar. ODIHR i drejtohemi vetëm me produkt konkret. Pres propozimet tuaja konkrete për amendamentet. Tek ODIHR, mosmarrëveshjet për draftet, jo mosmarrëveshjet teorike. Sipas 14 Janarit, ODIHR i kërkohet opinion për çështje të administrimit zgjedhor. Tek ODIHR kërkohet opinion për drafte konkrete”, është shprehur Gjiknuri.
