Ish-kryeministri Sali Berisha deklaroi mbrëmjen e sotme se protesta është e vetmja gjuhë me të cilën duhet të komunikohet me mazhorancën e udhëhequr nga kryeministri Edi Rama.
I ftuar në emisionin “360 gradë”, Berisha u shpreh se apartamenti ku ai jeton është vetëm 125 metra katror. Ndërsa shtoi se nuk ka mundur të blejë vila apo apartamente pa marrë kredi.
“Ky që po flet para teje në mënyrë absolute ka mbi sipërfaqe të kësaj toke 125 metër katror apartament. Kam pasur në kohën e diktuarës një apartament 87, apo 90 metra katror apartament. Kam arritur të shtoj me rrogën time këto 20-30 metër. As mund të bëja vilë dhe as mund të blija apartament tjetër pa marrë kredi”, tha ish-kryeministri.
