Kryetari i komunës në qytetin jugor meksikan Chiapas, Oscar Ramirez është lidhur nga banorët e zonës, pasi nuk mbajti premtimin për ndërtimin e një ujësjellësi të ri.
Ramirez po prezantonte një seri projektesh publike që u kishte premtuar banorëve, duke ua prezantuar edhe ujësjellësin e vjetër si një premtim të mbajtur, shkruan Daily Mail.
Përfaqësues të pakënaqur nga 11 komunitetet nga të cilat përbëhet qyteza në kufi me Guatemalën, ngritën pyetje të zemëruar ndaj Ramírez për gjendjen e rrënuar të sistemit të ujit të pijshëm dhe më pas e kapën atë duke e mbajtur kundër dëshirës së tij.
“Ai na premtoi se do të bënte një punë të mirë për njerëzit e Comalapa, por kjo ishte e gjitha një mashtrim sepse sistemi i ujit nuk punon mirë”, tha një nga banorët, sipas mediave lokale.
Një tjetër banor u shpreh se lagja ku ata banonin nuk ishte furnizuar me ujë të pijshëm prej më shumë se një jave.
Megjithatë, kryetari i komunës doli në rrjetet sociale dhe e mohoi incidentin, duke thënë se nuk ishte lidhur në pemë.
“Ata nuk më lidhën. Ishte një takim me 11 përfaqësues të zonave në Comalapa për prezantimin e sistemit të ujti të pijshëm”, tha ai.
