Në një zonë të pyllëzuar të Skraparit janë gjetur disa thasë të mbushur me kanabis. Pas kontrollin të ushtruar nga polica, droga është gjetur në vendin e quajtur “Qafa e Qershisë”, territor në afërsi të fshatit Ujanik.
Aksioni u krye në bazë të informacioneve të marra në rrugë operative nga Specialistët për Hetimin e Narkotikëve në Drejtorinë Vendore të Policisë në Berat.
Në një zonë të pyllëzuar në dy vende të ndryshme u zbulua 697 kg kanabis, e futur në thasë.
Pas veprimeve hetimore u arrestua shtetasi Hekuran Musabelliu, i dyshuar si posedues i saj.
Materialet i kaluan Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike”.
