Presidenti i Republikës, Ilir Meta këndon me grupin “Lira”; “Shqipëri atdhe i dashur, ne s’të lëmë ty të varfër”. Në një takim në Pazarin e Korçës me pjesëtarët e grupit të famshëm artistik “Lira”, Meta vendosi të këndojë me ta këngën “Shqipëri atdhe i dashur”.
Me anë të një postimi në rrjetin social “Facebook”, Meta shkruan “Të dashur miq, sot pata një takim të veçantë në Pazarin e Korçës, me pjesëtarët e grupit të famshëm artistik “Lira”, me të cilët bashkëbiseduam ngrohtësisht duke ndarë vlerësimet për vlerat e jashtëzakonshme qytetare, artistike e kulturore të Korçës dhe korçarëve, që duhen ruajtur“.
Për të gjithë ata që kanë memorien e mirë, kujtojnë të gjitha akuzat që i janë bërë Metës për vjedhjen e arit në Kërrabë. Berisha ka akuzuar Metën për këtë grabitje. Një nga ekspertët e periudhës së komunizmit, që ka ndërtuar tunelet e thesarit, në një rrëfim në Gazetën Shqiptare thotë se ndërsa Ahmet Zogu mori 183 kilogram ar kur u largua, në Kërrabë u vodhën 280 kilogram. Ende nuk dihet nëse kjo është një shifër e saktë, ndërsa hetimet për këtë krim nuk zbardhën kurrë të vërtetën.
Kujtojmë të gjitha akuzat që i janë bërë në vite, që nga vjedhja e floririt në Kërrabë, video e Dritan Priftit, DIA & CHEZ dhe Raporti i OSBE-së, akuza që akoma nuk janë provuar (të paktën për videon Meta-Prifti, ai është shpallur i pafajshëm).
Meta ka qenë një ndër aktorët politik kryesor të këtyre 27 viteve demokraci në Shqipëri. Ku ka zë nuk është pa gjë thotë populli. Edhe nëse Meta është i pafajshëm për të gjitha akuzat kundër tij, ai sërish mbetet një nga përgjegjësit kryesor për gjendjen e mjeruar që ndodhet Shqipëria.
