Tre shtetas shqiptarë janë arrestuar sot nga policia Italiane. Ata akuzohen se janë grabitësit e disa banesave.
Shqiptarët janë të moshave, 21, 25 dhe 26 vjeç të cilët janë kapur në flagrancë duke vjedhur një apartament.
Mediat në Itali bëjnë me dije se ata kishin hyrë në katin e parë të një banese dhe më pas policia ka rënë në gjurmët e shqiptarëve, duke kryer edhe arrestimin e tyre.
Pas kontrolleve të kryera, shqiptarëve iu janë gjetur sendet e vjedhura si çanta, një sasi eurosh si dhe mjetet të tjera, të cilat i përdornin për të vjedhur e grabitur banesat në shtetin fqinj.
Policia ndërkohë vijon hetimet për dokumentimin e plotë të aktivitetit të shqiptarëve, ndërsa dyshohet se ata prej kohësh kryenin këtë aktivitet të rëndë në Bolonjë, por edhe në disa qytete të tjera.
