Skënderbeu ka evituar humbjen vetëm 3 minuta nga fundi përballë Tiranës, e cila i kishte të gjitha mundësitë për të marrë tre pikë në Korçë. Një ndeshje e ekuilibruar me shumë raste nga të dyja skuadrat dhe në fund një barazim 1-1 ndoshta ishte rezultati që i shkonte për shtat këtij takimi.
Ishin bardhelutë që gjetën golin në minutën e 20’ të takimit me anë të Edon Hasanit. Një krosim i lartë nga e djathta hidhet në zonë dhe Hasani me një goditje mjaft të mirë me kokë mposht Teqen. Vetëm 5’ minuta më pas Skënderbeu rrezikon të mbesë me 10 lojtarë në fushë, pas një prekje me dorë në zonë nga kapiteni Radas, por arbitri i tregon vetëm të verdhin pavarësisht protestave të lojtarëve të Tiranës.
Bardhekuqtë e Skënderbeut nuk janë dorëzuar për asnjë moment, me sulme të intensifikuara në pjesën e dytë duke dominuar thuajse plotësisht skuadrën e Tiranës në gjysmëfushën e saj. Tentativa të shpërblyera në fund, me bardheblutë që janë dorëzuar në të 87’, kur John ka barazuar shifrat në 1-1.
Skënderbeu-Tirana 1-1
Shënues: John 87’/ Hasani 20’
Skënderbeu: Teqja, Vangjeli, Radas, Aliti, Abazi, Muzaka, Lulaj, Demte, Gripshi, Bregu, Krasniqi.
Trajner: Orges Shehi
Tirana: Lika, Doka, Turtulli, Berisha, Imami, Daja, Maveje, Hasani, Kobina, Oduamadi, Blazhevski.
Trajner: Ze Maria
