Klubi shqiptar i futbollit Skënderbeu falënderoi Partizanin për organizimin e mirë të ndeshjes mes dy klubeve në Beograd, në raundin e katërt të Ligës Evropiane. Mesazh i cili i është drejtuar drejtoreshës së klubit serb, Biljana Obradoviç, raporton Kurir.
“Në emër të klubit tonë, unë do të doja të falënderoj ju dhe pjesën tjetër të anëtarëve të Partizanit për organizimin dhe mbështetjen që kemi patur mbrëmë. Ne vërtet e respektojmë mënyrën se si Partizan ka organizuar ndeshjen dhe disponueshmërinë qw keni pasur. Ne jemi të lumtur për shkak të asaj që ndodhi në dy ditët e fundit jashtë fushës. ne ju urojmë fat dhe shpresojmë që të kualifikoheni për raundin tjetër, “lexon mesazhi i klubit të futbollit Skënderbeu.
Partizan mundi Skënderbeun 2-0 në Beograd në raundin e katërt të Grupit B në Europa League. Ndeshja ka kaluar pa incidente.
