Një ditë pas letrës publike të dërguar nga kryeministri Rama në adresë të kryedemokratit Basha, teksa i kërkonte dialog pa kushte, ky i fundit sot ka lajmëruar se në orën 10:30 do të ketë një takim me aleatët në selinë blu.
Basha dhe aleatët, sipas informacioneve të para, thuhet se do të diskutojnë për aksionin e mëtejshëm opozitar.
Pas letrës publike të kryeministrit Edi Rama, të gjithë sytë u drejtuan nga përgjigjja që do të jepte kreu i opozitës Lulzim Basha. Ky i fundit ishte pasditen e së mërkurës në një takim me simpatizantë të Durrësit, ku edhe pse nuk e përmendi drejtpërdrejtë ofertën e Ramës për tu ulur në dialog, Basha e dha një përgjigje mes rreshtave.
Sipas numrit një të selisë blu, nuk do të këtë një pakt kulisash, por dialog kombëtar për të gjitha problemet e vendit.
