Një përplasje mjaft e fortë ka ndodhur sot mes Andi Bushatit dhe Alfred Pezës, në lidhje me paketën anti-shpifje.
Në emisionin “Open” në Top Channel pati shpërthime të forta mes palëve, por edhe ofendime.
Biseda më tej u kthye në personale dhe në etiketime aspak të hijshme.
“Duhet të ndajmë në këtë debat në qoftë se jemi kundër Edi Ramës, apo kundër paketës”, tha Alfred Peza. Menjëherë ka ndërhyrë Andi Bushati, i cili tha se këtë paketë e ka kundërshtuar BE-ja.
“Ju tha BE-ja tërhiquni”, këtu ke deklaratën tha Bushati.
“Në dy takimet e bëra me BE-në flitet për disa rregullime”, ndërhyri Peza.
“Kemi qenë gazetar o Fredi, nuk mund të mbrosh këtë, por fakti që skuqesh ende tregon që s’je pro”, vijoi Bushati.
“Edhe ty të hollohet zëri, Andi”, vazhdoi Peza.
“Po të mbrosh këtë, nuk ke shitur vetëm shpirtin por edhe brekët”, vijoi Bushati.
“Unë e besoj këtë”, replikoi Peza.
“Besoni një m*t”, shpërtheu Bushati.
“Në qoftë se je pro kësaj, më vjen turp që të kam pasur koleg”, i tha Bushati-Pezës.
“Edhe mua me vjen turp që ju kam pasur koleg”, iu kthye Peza me të njëjtën monedhë.
