Pas skandalit me dokumente flasë që përfshiu kompania e nipit të deputetit të Partisë Socialiste, Sadri Abazi, reagon edhe
Inxhinieri i mjedisit Bekim Selmani ka reaguar menjëherë pas skandalit me dokumente flasë që përfshiu kompaninë e nipit të deputetit të Partisë Socialiste, Sadri Abazi.
Bashkia e Elbasanit deklaron se kjo kompani i ka fituar tenderat publikë me dokumentacion të falsifikuar. Kompania me administrator Arbër Abazin ka garuar dhe ka fituar tenderin për “Shërbimin e pastrimit të qytetit të Elbasanit”.
Ndërkohë, në lajmin e bërë publik nga mediat përmendet edhe emri i shtetasit kosovar Bekim Selmani, si inxhinier mjedisi, i cili sipas bashkisë nuk ka diplomë për inxhinier mjedisi.
“Komunikat për media
Në bazë të shkrimeve nëpër media, jam njoftuar se mua Bekim Mehmet Selmani më është keqpërdorur diploma nga kompania “Alko Impex General Counstractioni” kompani në të cilën unë kam punuar nga muaji Shkurt 2009 deri më Shtator 2012 në Kosovë. Me ketë raste dua të distancohem nga çdo lloj përgjegjësie që më është ngarkuar nga kompania në fjalë duke abuzuar me dokumentacionin tim, pa dijeninë time. Për përdorimin e diplomës time, keqpërdorimin e të dhënave personale, dhe keqpërdorim të dhënave personale në falsifikim të dokumentit do të njoftohen organet përkatëse. Dua të theksoj se unë që 4 vite jetoj dhe punoj jashtë Kosovës dhe të gjitha këto keqpërdorime janë bërë pa dijeninë time. Me respekte Bekim Selmani” – shkruan Selmani në reagimin e tij.
