Para pak ditësh, në një takim me mësuesit, ministrja Nikolla u tha atyre që të ndihen të lirë të votojnë për kë të duan.
Sigurisht, e thëna me të bërën janë shumë larg, sidomos kur bëhet fjalë në politikë.
Edhe pse fjalët janë vërtet të bukura, si kohë fushate që është, fatkeqësisht realiteti është krejt ndryshe.
Një video e publikuar nga Panorama Online tregon skandalin që ndodh nëpër shkolla, ku mësuesit u kërkojnë nxënësve të braktisin mësimin dhe të shkojnë në miting për të pritur kryeministrin Rama.
Bëhet fjalë për mësuese Elonën, e cila jep mësim në gjimnazin “Aleksandër Moisiu” në Kavajë, e cila ka urdhëruar nxënësit që të marrin pjesë në mitingun e e Partisë Socialiste, që organizohet sot në 27 prill.
“Nesër në orën 16:30, zhvillohet një aktivitet i kryeministrit Edi Rama me të rinjtë, e gjithë shkolla do të përfaqësohet me mësuesit e vet dhe nxënësit e çdo klase, nesër në takimin që organizohet…!”, dëgjohet teksa u thotë mësuese Elona, nxënësve gjimnazistë.
Nëse mësuesit kanë të drejtën për të votuar kë të duan dhe të shkojnë në mitingun e cilës parti të duan, po nxënësit a nuk e kanë të njëjtën të drejtë?
A nuk ka thënë kryeministri Rama se ka marrë fund koha kur nxënësit mbushnin mitingjet e partive dhe braktisnin orët e mësimit?
Vallë, si e komenton ministrja Nikolla këtë video? Apo mbase do e lavdërojë mësuesen në fjalë se po e bën siç duhet detyrën e saj?
https://www.facebook.com/GazetaPanoramaOnline/videos/1439754289421467/
