Dy persona janë vënë në pranga, pasi akuzohen për skandalin me publikimin e pagave. Prokuroria e Tiranës ka arrestuar të paktën dy të dyshuar, identiteti i të cilëve nuk bëhet me dije, për skandalin me listëpagesat e qytetarëve. Nga hetimi ka rezultuar se kanë nxjerrë nga sistemi listat me pagat e 690 mijë qytetarëve.
Një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe pagën, u shpërnda masivisisht në Whatsapp.
Kjo është rrjedhja më e madhe e informacionit, pasi bëhet fjalë për të dhëna sensitive. Në listën e pagave janë emrat e shumë biznesmenëve, drejtues kompanish si dhe persona publik. Në mesin e tyre edhe ministrat e kabinetit qeveritar.
