Federata e Futbollit të Francës do të ndëshkohet nga UEFA me një gjobë, për skandalin me himnin para fillimit të ndeshjes Shqipëri-Francë.
Sipas rregullores, ndëshkimi pritet të variojë me një gjobë nga 5 deri në 10 mijë euro, për shkak të mangësive në organizimin e ndeshjes ndërkombëtare, të vlefshme për eliminatoret e ‘Europianit 2020’.
Kujtojmë se ndeshja nisi 6 minuta me vonesë, pasi në vend që të ekzekutohej himni i Shqipërisë, u vendos për pak çaste ai i Andorrës.
Ekipi shqiptar nga ana tjetër, nuk pranoi të niste ndeshjen pa u luajtur himni shqiptar. Skandali u thellua edhe më tej kur spikeri nga fonia e stadiumit, i kërkoi ndjesë Armenisë dhe jo Shqipërisë.
