Rusia nuk di të ndalet në përdorimin e dopingut. Programi i radhës ishte një sukses në futboll, bëhet fjalë për Botërorin e Rusi 2018, ku përfaqësuesja e tyre nuk është në nivelin e kundërshtarëve. ‘Daily Mail’ ka zbuluar se plani ka qenë i qartë, në fushë do të zbrisnin lojtarë të dopuar dhe skema për të mos u kapur ishte gati.
Ishte Grigori Rodçenkov, ish Drejtori i laboratorit antidoping të Moskës, ai që ka zbuluar këtë skenarë, pasi është marrë në mbrojtje nga SHBA pasi zbuloi skandalin e dopingut të rusëve në Lojërat Olimpike Dimërore të vitit 2014 në Soçi.
Rodçenkov e zbuloi planin e përfaqësueses ruse në filmin dokumentarë ‘Icarus’ me regjisor Brajan Fogel. Ky i fundit ka deklaruar se provat e treguara nga Rodçenkov gjatë realizimit të këtij filmi mund të përbëjnë një skandal po aq të madh sa ai i Lojërave Olimpike të Sochit. Nuk përjashtohet mundësia që pas shfaqjes së këtij dokumentari disa prej futbollistëve të përfaqësueses ruse të mbeten jashtë evenimentit më të rëndësishëm futbollistit.
Deri në këto momente FIFA nuk ka bërë asnjë reagim për këto prova që mund të sjellin një skandal të madh. Shumë shpejt pritet që drejtuesit e këtij institucioni të hyjnë në kontakte me regjisorin Brajan Fogel për të organizuar një takim me Rodçenkov për të parë se deri ku shkojnë këto akuza.
Brajan Fogel e heton çështjen e dopingut ne Rusi prej vitesh dhe gjatë kësaj kohe ai ka takuar edhe Rodçenkov. Nga hetimet e tij u zbuluan prova, që sipas tij përfshinin edhe Vitaly Mutko ish zv/kryeministrin dhe njëkohësisht presidentin e dorëhequr të Federatës Ruse të Futbollit.
