Deputeti i Partisë Socialiste, Sadi Vorpsi në rrjetin e tij social Facebook ka publikuar disa foto nga Bashkia e Vorës, të cilët kanë mbyllur dyert ditën e sotme, pasi administrata i është bashkuar protestës së opozitës para Kuvendit, kundër qeverisë aktuale.
Vorpsi, shkruan se ky është modeli i qeverisjes së kësaj opozite, ku e gjithë administrata ndodhet në protestë, duke mos iu shërbyer qytetarëve.
“Modeli qeverisës i opozitës…Sot në Bashkinë e Vorës, asnjë shërbim për qytetarët. E gjithë administrata në protestë…”, shkruan Vorpsi.
Bashkia e Vorës drejtohet nga Fiqiri Ismaili, i zgjedhur nga PD-ja.
