Mijëra vetë kanë rënë pre e një mashtrimi në Indi, ku njerëzve u janë dhënë vaksina të rreme kundër koronavirusit. Një sërë personash kanë përfunduar në pranga për këtë skandal, mes tyre edhe mjekë e punonjës shëndetësore, shkruan CNN.
Vishal Thakur, zyrtar i lartë i departamentit të policisë në Mumbai tha se njerëzve që prisnin të vaksinoheshin kundër Covid 19, u është injektuar thjesht ujë me kripë. Dozat e rreme llogaritet t’i kenë marrë të paktën 2500 persona.
”Deri më tani, 14 persona janë arrestuar nën dyshimin e mashtrimit, komplotit kriminal dhe akuzave të tjera. Më shumë arrestime mund të vijnë ndërsa policia vazhdon hetimet për njerëzit e tjerë të përfshirë në mashtrim”, tha Thakur.
India u godit rëndë nga një valë e dytë e koronavirusit midis muajit prillit dhe fillimit të qershorit, ku u infektuaan miliona persona dhe humbën jetënmijëra në të gjithë vendin.
Pas kulmit që arriti vala në muajin maj, kurba e të infektuarve ka pësuar ulje, duke lehtësuar presionin mbi sistemin mjekësor dhe duke lejuar autoritetet të rrisin programin e tyre të vaksinimit gjatë rimëkëmbjes së vendit.
