Në La Liga pas ndeshjes Valladolid-Barcelona ka plasur një “skandal” i madh dhe shumë shpejt do të nisin edhe hetimet. Katalanasit arritën të fitojnë me rezultatin minimal 1-0 në një terren mjaft të vështirë, që vetëm futboll nuk mund të luhej. Ishte francezi Dembele që shënoi golin e fitores, por edhe një gol tjetër është anuluar për vendasit me të drejtë nga VAR.
Gjithsesi, polemikat më të mëdha pas ndeshjes kanë ardhur për gjendjen e fushës. Kapiteni i Barcelona-s, Sergio Busquets, ka thënë për “Marca”: “Është absurde që asnjë nga La Liga nuk ka ardhur të kontrollojë. Dukej një plazh, këtu nuk mund të luhet”.
Kritika të mëdha ka ngritur edhe trajneri Ernesto Valverde, i cili i tha hapur në konferencën për shtyp pas ndeshjes: “Është e pabesueshme të shikosh një fushë të tillë, por jam i sigurt se Valladolid nuk ka faj. Por nëse duam ta “ndërkombëtarizojmë” La Liga-n, duhet të bëjmë më mirë”.
Barcelona ka bërë të ditur se do të bëjë një ankesë zyrtare për gjendjen në të cilën është luajtur sfida kundër Valladolid, madje edhe vetë presidenti i Federatës Spanjolle të Futbollit, Tebas ka thënë: “Do të hapim një hetim, nuk mund të luhet në këto kushte”.
