Presidenti Ilir Meta ka reaguar në lidhje me dështimin e negociatave me BE-në, për të cilën është shprehur se nuk duhet të humbasim shpresën.
Nga Kukësi, ai ka dhënë një mesazh për të gjithë qytetarët, që të mos humbin shpresën, pasi asgjë nuk ka përfunduar.
Mirë se erdhët për 60-vjetorin e Kukësit, por do t’ju pyesim për negociatat?
Kam ardhur për 60-vjetorin e Radio ‘Kukësit’. Për negociatat nuk mund të flitet sot. Asgjë nuk ka përfunduar. Shpresojmë të ketë reflektim. E kam thënë edhe më përpara: Ato vendet që janë skeptike, të ndjekin shembullin e Bundestagut të Gjermanisë.
Do ta dekoroni kryeministrin z. President, nëse do të çelen negociatat, meqë e keni deklaruar?
Sot jemi këtu për të dekoruar Radio “Kukësin”, me Titullin e lartë “Kalorës i Urdhrit të Flamurit”, sepse e ka merituar plotësisht dhe e ka përmbushur misionin fisnik sidomos në drejtim të mbrojtjes së të drejtave të shqiptarëve në ish-Jugosllavi, duke pasur kontribute për ato arritje që ka sot Kosova dhe shqiptarët në Maqedoninë e Veriut.
Nëse nuk çelen sot negociatat z. President? Duket se ka dështim?
Po të mos humbasim shpresën… Sot këtu në Kukës…
E ka fajin qeveria apo Franca?
Sot në Kukës kemi një gëzim, dhe ta çojmë gëzimin deri në fund!
