E gjithë bota e sportit po vuan humbjen e sulmuesit argjentinas, Emiliano Sala, i cili humbi jetën pas rrëzimit të avionit. Ai ishte transferuar te Kardifi nga Nantes dhe po udhëtonte me avion, kur mjeti humbi nga radarët dhe disa ditë më vonë u gjend në fund të detit.
Një ngjarje aspak e hijshme ka ndodhur ditën e djeshme në takimin mes Sauthempoton dhe Kardif, e fituar nga vendasit 2-1. Dy tifozë të ekipit vendas imitonin gjestin e një aeroplani dhe gjithë skena është filmuar nga një kamera amatore. Gjesti është dënuar rëndë dhe tifozët janë arrestuar pas ngjarjes. Klubi i Southemptonit madje ka lëshuar edhe një deklaratë.
Southampton fan making fun of the plane to Cardiff supporters🤮 pic.twitter.com/2nr6OKvwsj
— Paul (@efc_paul) February 9, 2019
“Do të vazhdojmë të bashkëpunojmë me policinë për të evidentuar të tilla raste të turpshme kundrejt tifozëve të Kardifit. Kjo sjellje e shëmtuar është e patolerueshme. Klubi do të mbajë qëndrim.”, ishte deklarata e klub. Megjithatë, tifozët janë liruar pas arrestimit dhe u është ndaluar hyrja në ambientet e stadiumit për 3 vjet.
