Aktorja Arjola Demiri, në një bisedë me Monika Lubonjën ka rrëfyer se ka vuajtur nga depresioni, si pasojë e ndarjes nga babai i tre fëmijëve të saj. Madje tregoi se nuk mori mjekime, për një periudhë 4-vjeçare që pati një rrënim. Ajo zbuloi më tej në “Big Brother VIP” se kishte marrë fëmijët, dhe kishte ikur nga shtëpia.
“As nuk jam mjekuar, asgjë. Pata një 4-vjeçar të tmerrshëm. Të kthehesha në Tropojë ishte …u mbylla! Nuk ngrihesha dot nga shtrati. Ndodhi një dhunë fizike, dhe aty nuk durova dot më gjatë. Më tha s’ke ku shkon, nuk të merr më njeri me tre fëmijë. Kam kaluar krizë identiteti, e doja atë më shumë se veten”, tha Arjola.
