Tërmeti i mbrëmjes që lamë pas ishte paslëkundje, dhe nuk ka arsye për panik. Këtë e ka konfirmuar sizmologu Llambro Duni për “Ora News”.
“Bëhet fjalë për paslëkundje, e kemi thënë që do të vijojnë. S’ka arsye për panik”, tha më tej sizmologu.
Ai sqaroi se lëkundja e tërmetit nuk ishte 4.5 e shkallës rihter, siç u raportua nga Qendra Sizmiologjike EMSC, por ishte 4.0 e shkallës rihter, sipas magnitudës lokale. Po kështu, kohëzgjatja e lëkundjes së tërmetit ka qenë 5 sekonda.
“Faqja që raportoi magnitudën 4.5 nuk e ka matur sipas magnitudës lokale, por me të tjera njësi matëse”, përfundoi ai.
