Situata paraqitet shqetësuese në Rusi!
Autoritetet përkatëse bënë me dije se brenda 24 orëve të fundit janë konfirmuar 10 mijë raste të reja me COVID-19, duke e çuar numrin e përgjithshëm në 145.268.
Mbi 10 mijë raste të të infektuarve janë raportuar edhe të dielën.
Shifrat zyrtare të të prekurve me koronavirus në Rusi, tani tejkalojnë ato të Kinës, Turqisë dhe Iranit.
Kujtojmë se javën e kaluar u njoftua se kryeministri rus, Mikhail Mishustin, është diagnostikuar me COVID-19.
Presidenti Vladimir Putin ndërkohë e ka zgjatur periudhën e izolimit mbarëkombëtar deri më 11 maj.
Sakaq, zyrtarët po u kërkojnë qytetarëve të qëndrojnë në shtëpi.
Shumë shtete në botë janë goditur nga virusi misterioz, për të cilin ende nuk ka një vaksinë.
Ditën e djeshme Sekretari Amerikan i Shtetit Mike Pompeo përsëriti akuza të ngritura më parë nga administrata amerikane se koronavirusi e ka origjinën në një laborator në Wuhan.
Pompeo i mëshoi faktit se “ka prova shumë të mëdha” se pandemia e ka origjinën në një laborator në Wuhan të Kinës, jo në një treg në qytet.
