Numri i viktimave nga koronavirusi është rritur ndjeshëm në Itali, duke shkuar në 1016.
Gjatë konferencës për shtyp të bërë nga Ministria e Shëndetësisë u tha që janë 189 viktima më shumë se dje.
Autoritetet përkatëse kanë njoftuar se edhe numri i të infektuarve është rritur.
Kujtojmë se ditën e djeshme OBSH e deklaroi koronavirusin një pandemi.
Shumë nga njerëzit që preken nga koronavirusi kanë simptoma të lehta ose të moderuara, por disa prej tyre, sidomos të moshuar dhe me probleme shëndetësore ekzistuese, janë në rrezik të sëmuren më rëndë.
Organizata Botërore e Shëndetësisë rekomandon që njerëzit të lajnë duart, të mos prekin fytyrën, të mos u afrohen njerëzve që kolliten apo teshtijnë dhe të qëndrojnë në shtëpi nëse janë sëmurë.
