Pas lëkundjeve të tërmetit që goditi vendin ditën e shtunë, gjendja e godinës së Fakultetit të Gjeologji-Minierave paraqitet e rrezikshme dhe shqetësuese. Dëmet që ka shkaktuar tërmeti rezultojnë të shumta e të parikuperueshme.
Një pjesë e tavanit është shembur, ndërsa është mbushur dhe me ujë, për shkak të reshjeve të shiut që pushtuan vendin që prej pasdites së djeshme.
Ndërkaq, në një moment, gazetarja e “Report Tv”, Eliza Gjediku, teksa po zhvillonte një lidhje live me dekanin e Fakultetit të Gjeologjisë së Minierave, Vasil Jorgji, u përball me një situatë të frikshme, pasi, vetëm pak hapa më larg u shkëput një pjesë e tavanit.
Ndër të tjera, gjendjen e godinës, dekani e cilësoi katastrofike, ndërsa shtoi se situata paraqitet e rrezikshme edhe më shumë pas tërmetit që ra ditën e shtunë.
“Kjo është një situatë katastrofike. Ne kemi qenë me shumë fat, që qëlloi ditë e shtunë dhe nuk patëm punonjës dhe studentë pasi do të kishte shumë viktima (për rastin e tërmetit). Kjo që ndodhi tani që çfarë ra jashtë ra brenda do të fillojë menjëherë rikonstruksionin e godinës. Unë pres që të vijë grupi i ekspertëve. Kjo ishte pasojë e rrëzimit të kornizës së çatisë që mori edhe letrën serë për izolimin e çatisë”, deklaroi ai.
