Mati, Klosi e Dibra, ishin ndër qytetet që u prekën mësë shumti nga lëkundjet e forta të tërmetit. Tërmeti i cili u ndje pasditen e djeshme, la plot dëme materiale në disa qytete, sidomos në veri të vendit.
Si pasojë numërohen plot 200 shtëpi të dëmtuara në Dibër, e për këtë shkak, shumë qytetarëve u është dashur ta kalojnë natën në qiell të hapur.
Tërmeti i fuqishëm ka tronditur Shqipërinë dje rreth orës 5 e 35 minuta. Sipas raportimeve, tërmeti ishte me magnitudë 5.1 të shkallës Rihter. Është ndjerë dhe në Kosovë, Maqedoni, Mal të Zi, Serbi e Bosnjë.
