Pas tërmetit që ndodhi dje, e që tronditi jo vetëm Shqipërinë, të tjera lëkundje janë shënuar gjatë natës. Instituti i Gjeoshkencave, Energjisë, Ujit dhe Mjedisit, ka regjistruar të paktën 10 tërmete gjatë natës, nga ora 22:40, deri në orët e para të mëngjesit të sotëm.
https://tiranatoday.com/shqiperia-nen-pushtetin-e-termeteve-ja-ku-u-shenuan-lekundjet-e-radhes/
I fundit është regjistruar në orën 03:56 minuta në Bulqizë, dhe ka qenë me magnitudë 1.7 rihter, thellësi 23 km.
Magnituda e tërmeteve ka qenë e lehtë, poshtë nën 2. 4 të shkallës rihter.
Gjithashtu lëkundjet sizmike kanë vazhduar edhe gjatë pasdites së djeshme, pas tërmetit më të fuqishëm që u regjistrua po në afërsi të Bulqizës, me magnitudë prej 5.1 rihter, në orën 17:38 të 11 gushtit.
Nëntë lëkundje kanë pasur epiqendrën në Bulqizë, ndërsa një që është shënuar në orën 03:28 të 12 gushtit, ka qenë në Borsh.
