Kryeministri Edi Rama së bashku me kryebashkiakun e Tiranës, Erion Veliaj, kanë vizituar zonën e Kasharit për të bërë inspektimet e situatës pas tërmetit.
Gjatë bisedës me banorët, Rama u shpreh se gjërat do të bëhen me radhë, teksa thekson se e rëndësishme për momentin është qetësimi i njerëzve.
“Tani e rëndësishme është të qetësojmë njerëzit. Çadra me standarde do të jenë në dispozicionin tuaj për pak kohe. Të gjitha do të zgjidhen me pak durim. Sot në këtë moment nuk mund të fillojnë riparimet, pasi gjërat do të bëhen me radhë”, tha ai.
Në një moment një nga banoret i tha kreut të qeverisë se nuk ishte pajisur me një letër nga njësia administrative pasi banesa e saj ishte dëmtuar. Rama i drejtohet kryetarti të Kasharit dhe e urdhëroi që të merrej me rastin në fjalë.
“Merre prej dore dhe çoje tek njësia tani…çojë tek njësia dhe mbaro punë se e di unë ça bëni unë kur iki”, tha kreu i qeverisë.
