Presidenti Trump e cilëson pandeminë e koronavirusit si “sulmin më të keq” ndonjëherë mbi Shtetet e Bashkuara të Amerikës.
Sipas presidentin amerikan, shpërthimi i COVID-19 i ka prekur SHBA-të edhe më shumë sesa bombardimet japoneze të “Pearl Harbour” në Luftën e Dytë Botërore, apo sulmet e 11 shtatorit dy dekada më parë.
SHBA vijon të bëjë Kinën fajtore për situatën e krijuar nga koronavirusi, duke thënë se pandemia mund të ishte ndaluar që atje, përpara se të përhapej në gjithë botën.
Me më shumë se 1,2 milionë raste infektimi dhe me mbi 74 mijë viktima, SHBA renditet si vendi më i prekur në botë nga virusi vdekjeprurës.
Vendet më të prekura pas tij janë: Spanja, Italia, Mbretëria e Bashkuar, Franca, Gjermania, Rusia, Turqia, Brazili, Irani etj.
Virusi COVID-19 ka prekur më shumë se 3,8 milionë njerëz nga e gjithë bota, ndërsa i ka marrë jetën mbi 265 mijë personave.
