Ish-deputeti i PD-së, Tritan Shehu ka komentuar me nota të ashpra sistemin shëndetësor në Shqipëri, duke e konsideruar atë si ndër më antisocialët në botë.
Përmes një statusi në Facebook, Shehu denoncon faktin se sipas tij, asistenca mjekësore për të sëmurët paliativë dhe ato kronikë mungon.
Shehu deklaron se në spitalet shtetërore mungojnë aparatura për trajtimin e këtyre sëmundjeve dhe pacientët detyrohen të shkojnë të marrin shërbimin në privat.
“Shtrimi i përkohshëm në spital i këtyre pacienteve nuk është zgjidhje. Pra në Shqipëri këta pacientë, si dhe një shumicë e madhe qytetarësh për patologji të ndryshme, nqs nuk mund të paguajnë te struktura private do të duhet të vuajnë duke u invalidizuar më shumë e shpejtuar rrugën drejt vdekjes”, shprehet ndër të tjera ish-deputeti Shehu.
Postimi i Shehut:
Sistemi yne shendetesor, nder me antisocialet ne bote. Nje tregues tjeter per kete karakteristike Afrikano Qendrore te ketij sistemi eshte edhe niveli katastrofal i asistences mjekesore ambulatore per te semuret paliative apo ata kronike. Ashtu sic eshte nje detyre e sistemit publik te perballoje gratis urgjencen mjekesore adeguate, procedurat e sofistikuara vitale, qe sic publikova para pak ditesh per aksidentet vdekje prurese embolitike cerebrale kjo nuk ndodh, ashtu eshte dhe ndaj asistences “ne shtepi” per keta te semure.
Sot do permend vetem ata paciente te ketyre kategorive me pa mjaftueshmeri te frymemarjes, gje per te cilen kane nevoje per oksigjen shtese kudo ku jane. Asnje mbeshtetje per ata, qofte dhe vetem duke i furnizuar gratis me burime oksigjeni nepermjet disa aparaturave te thjeshta, qe kushtojne reth 700 E, dhe qe kudo ne boten civile ofrohen pa pagese se bashku me te gjithe sherbimin cilesor e pa limit kohe.
Ne Tirane sherbimi yne nuk disponon asnje aparat te tilla, qofte e statik, pra nevojtaret duhet te drejtohen te privati. Sistemi yne publik nuk ofron mundesi reale kujdesi te tille, ndersa mbi 90% e popullesise sone nuk perfiton nga kujdesi paliativ as minimalen.
Shtrimi i perkoheshem ne spital i ketyre pacienteve nuk eshte zgjidhje. Pra ne Shqiperi keta paciente, si dhe nje shumice e madhe qytetaresh per patologji te ndryshme, nqs nuk mund te paguajne te struktura private do te duhet te vuajne duke u invalidizuar me shume e shpejtuar rrugen drejt Vdekjes!
Dhe pastaj dikush cuditet kur na klasifikojne si vendi me kujdesin me te keq ndaj pacientit ne Europe (si kontinent).
