E shtunë, 25 Shtator, 2021
14.5 C
Tirana

Sistemet e reja raketore, Rusia: Gati për dialog me SHBA

Ministri i Mbrojtjes së Rusisë, Sergei Shoigu tha sot se Moska nuk do të vendosë raketa të reja, përderisa zyrtarët e Shteteve të Bashkuara do të bëjnë të njëjtën gjë në Evropë dhe Azi. Ai tha se vendi i tij është i gatshëm për dialog me SHBA-në lidhur me raketat me rreze të mesme dhe të shkurtër veprimi dhe ripërsëriti qëndrimet e fundit të Moskës se nuk ka plane për dislokime të reja të raketave.

“Ne do t’i përmbahemi kësaj. Nëse nuk ka sisteme të tilla në Evropë (të vendosura nga Uashingtoni) ne nuk do të bëjmë asgjë atje”, tha Shoigu. Agjencia e lajmeve Tass citoi Shoigu të thoshte se “ne po e mbajmë derën hapur, ne ende besojmë se për sa kohë SHBA-ja nuk vendos sisteme të tilla në Evropë, ne nuk do të vendosim dhe për sa kohë nuk ka raketa amerikane në Azi, në atë rajon nuk do të ketë as raketa tona”.

Deklaratat e Shoigu janë të fundit në një varg deklarimesh lidhur me raketat, pasi Rusia dhe SHBA-ja, muajin e kaluar braktisën Traktatin e Forcave Bërthamore me Rreze të Mesme Veprimi, që ishte nënshkruar më 1988.

Tërheqja nga ky traktat, ngjalli frikën se një garë e re armësh mund të nisë ndërmjet fuqive më të mëdha bërthamore në botë. Presidenti rus, Vladimir Putin, më 5 gusht kishte thënë se shteti i tij do të përgjigjej nëse SHBA-ja zhvillon raketa bërthamore me rreze të shkurtër apo të mesme veprimi.

Rusia në fillim të kësaj jave njoftoi se kishte testuar dy avionë me kapacitete për të mbajtur raketa bërthamore në rajonin e Lindjes së Largët, përtej territorit të Alaskës, një veprim ky që sipas medias shtetërore ruse, dëshmon aftësitë e Kremlinit për të vendosur avion të tillë luftarakë pranë radarëve të SHBA-së.

Lexo edhe :   Joe Biden zvogëlon shanset për marrëveshjen tregtare me Mbretërinë e Bashkuar
Lexo edhe :   Makthi i Berishës nga një ndëshkim i ri amerikan

Avionët supersonik të tipit Tupolev TU-160, janë të aftë që të mbajnë 12 raketa bërthamore me rreze të shkurtër veprimi dhe të fluturojnë 12 mijë kilometra, pa pasur nevojë që të furnizohen me karburant. Presidenti amerikan, Donald Trump, në fillim të gushtit u pati thënë gazetarëve se ai dëshiron të arrijë një marrëveshje të re me Rusinë, që do të zvogëlonte të gjitha forcat bërthamore dhe ndoshta në këtë marrëveshje do të mund të përfshihej edhe Kina.

- Reklama -

Më shumë nga kategoria




Të fundit

Yuri Kim me porosi të qarta nga Uashingtoni, vulos fundin tragjik të Berishës

Dje, Gjykata e Apelit të Posaçëm Kundër Krimit të Organizuar dhe Korrupsionit vendosi rihapjen e hetimeve për tragjedinë e "Gërdecit". Nga ana tjetër, ambasadorja...

Aksident në Kuçovë, shoferi shpëtohet katër orë pas bllokimit në kamion

Në Kuçovë ka ndodhur mrekullia, ku shoferi është shpëtuar katër orë pas bllokimit në kamion. Drejtuesi i kamionit me inicialet A. P.,  që mbeti...

Njihuni me këmbimin valutor, 25 shtator 2021

Në kursin e këmbimit valutor, sot vihet re një rritje e lehtë e dollarit, frangës zvicerane, paundit britanik dhe euros. Më poshtë do të gjeni...

E shtuna me diell dhe temperatura deri në 30 gradë

Vendi ynë sot do të mbizotërohet nga alternime kthjellimesh dhe vranësirash, duke sjellë mot me diell në të gjithë territorin. Sipas Meteoalb, sot temperaturat do...

Në rritje kërkesat për azil, arrijnë nivelin më të lartë të pas-pandemisë

Kërkesat për azil nga shqiptarët kanë filluar rritjen graduale pas lehtësimit të kritereve të udhëtimeve në vendet e Bashkimit Europian, por sërish ato mbeten...