Pavarësisht reshjeve intensive të rëna gjatë natës në pjesën më të madhe të vendit, duket se kjo situatë do të vijojë edhe në ditët në vijim. Vjeshta ka ardhur furishëm, ndërsa në Shqipëri si pasojë e reshjeve janë shkaktuar edhe përmbytje.
Meteorologu grek Klearhos Marousakis, paralajmëron se gjatë të premtes dhe të shtunës priten reshje të dendura shiu të shoqëruara me rrufe, në një pjesë të mirë të territorit të Shqipërisë. Kryesisht në jug dhe veri-perëndim, të cilat sipas tij do të shkaktohen nga re të ngarkuara me shira të shumtë duke rrezikuar përmbytje të shumta.
https://www.facebook.com/photo.php?fbid=3257834477618024&set=a.778403198894510&type=3
Marousakis jep alarmin për Greqinë, duke thënë se ata duhet të marrin masa, por siç duket edhe nga hartat e publikuara prej tij, reshjet masive do të vërehen fillimisht në territorin shqiptar gjatë të shtunës për të kaluar më pas në Greqi.
Ky paralajmërim i sinoptikanëve grekë, vjen pas ciklonit që goditi Greqinë disa ditë më parë, ku shkaktoi dëme kolosale.
