Pandemia e koronavirusit ka bërë që shumë linja ajrore të fillojnë kërkimin e mënyrave të reja për ruajtjen e sigurisë së pasagjerëve.
Kompania ajrore “Singapore Airlines” është bërë e parë në botë që prezanton të ashtuquajturën ‘pasaportë COVID-19’.
Sipas tyre, kjo do t’u lejojë klientëve të “ruajnë dhe prezantojnë në mënyrë të sigurt informacionin në lidhje me testet Covid-19, si dhe statusin e tyre të vaksinimit në të ardhmen”.
Klientët do ti nënshtrohen testeve të koronavirusit në klinikat e zgjedhura në Xhakarta dhe Kuala Lumpur dhe do të pajisen me çertifikata shëndetësore dixhitale ose letre me një kod QR.
Linjat ajrore kanë thënë gjithashtu se zyrtarët e aeroportit të Singaporit do të verifikonin vërtetësinë e tyre përmes një aplikacioni celular për të siguruar që pasagjeri i plotëson kërkesat e hyrjes së vendit.
Fillimisht, shërbimi do t’u ofrohet pasagjerëve që udhëtojnë nga Xhakarta ose Kuala Lumpur në Singapor nga 23 Dhjetori, Nëse rezulton i suksesshëm, shërbimi do të shtrihet edhe në qytete të tjera
