”Sikur të ishte shaka”/ Meta reagon për humbjen e Koço Devoles

Presidenti i Republikës, Ilir Meta shpreh trishtimin për ndarjen nga jeta të aktorit, Koço Devole pas infektimit me Covid-19.

Për kreun e shtetit, kjo duhet të ishte një shaka si ato që bënte gjithmonë Devole.

Meta thotë se humori dhe arti shqiptar humbën një prej kolosëve dhe figurave më të dashura.

Postimi  i Metës në Facebook

Sa shumë trishtim nga ky lajm!

Sikur të na thoje se bëre shaka, nga ato të kripurat, që ti na bëje gjithmonë!

Humori dhe arti shqiptar padyshim humbën një prej kolosëve dhe figurave më të dashura, i cili do të na mungojë të gjithëve.

Familjes Devole, të afërmve dhe gjithë artistëve ju shpreh ngushëllimet më të ndjera!

Do të kujtojmë gjithmonë duke qeshur i dashur Koço!

U prehsh në paqe!

Regjisori, aktori dhe skenaristi shqiptar, Koço Devole u nda nga jeta në moshën 75-vjeçare pas një beteje të gjatë në spitalin Infektiv me Covid-19.