Pas përplasjes mes policisë dhe banorëve të “Astirit”, një thirrje e hapur është përcjellë nga ish-deputeti i PD-së, Edi Paloka. Ai ka paralajmëruar Veliajn e Ramën, se do ta paguajnë këtë shkatërrim me çdo kusht. Teksa ka qenë prezent në protestë, ai tha se të gjithë banorët do të dëmshpërblehen me vlerën e tregut, sapo PD të vijë në pushtet.
“Të gjithë forcat e policisë janë mbledhur këtu. Duke sulmuar shqiptarët në pikë të mëngjesit me gaz, me helm. Kur të vijmë ne në pushtet, do t’i dëmshpërblejmë me vlerën reale të tregut.
Do t’u dëmshpërblejmë çdo gjë që u është bërë. Edi Rama dhe Veliaj do ta paguajnë këtë shkatërrim, këtë dhunë dhe terror. Shkatërrojnë, sulmojnë shqiptarët, popullin e tyre, se u duhen disa milionë më shumë.
Në vend që të burgosen ato që kanë kryer aktin e korrupsionit, ato vijojnë që të jenë në krye të shtetit. Në këtë moment qetësia, gazetarët dhe qytetarët nuk lejohet të kalojnë.
Policia ka rrethuar zonën dhe nuk lë gazetarët, nuk lë qytetarët se ne jo e jo. Këtu nuk jemi më në Shqipërinë e vitit 2019, këtu jemi në Shqipërinë e pushtuar nga serbët”, tha ish-deputeti për “Faxweb”.
