Sekretari i Përgjithshëm i LSI-së Endrit Braimllari ka reaguar për ngjarjen e rëndë të ndodhur mbrëmë në Mbikalimin e Shkozetit, ku iu bë atentat prokurorit Arian Ndoja.
Braimllari pohon se siguria publike është në mëshirë të fatit.
Postimi i plotë Endrit Braimllarit: “Siguria publike në mëshirë të fatit.
Qytetarët po përballen çdo ditë e më shumë me ngjarje të rënda dhe nuk ka asnjë reagim apo plane masash nga kjo qeveri.
Qytetarët janë lënë në mëshirë të fatit sepse Kryeministri dhe qeveria e tij janë në shërbim të oligarkisë dhe krimit të organizuar.
Ministria e Brendshme me Sandër Lleshin ministër është kthyer në institut statistikash, numëron vetëm viktimat, aksidentet dhe kilogramët e kokainës që kalojnë sa në një port në portin tjetër.
Qytetarët janë të pambrojtur nga institucionet e sigurisë, që për fatin tonë të keq vetëm numërojnë viktimat dhe nuk bëjnë asnjë gjë tjetër.
Në këtë situatë të rëndë për vendin zgjedhjet janë e vetmja zgjidhje për të kthyer rendin dhe sigurinë publike, stabilitetin dhe zhvillimin ekonomik të vendit.
Për të forcuar institucionet dhe për të kthyer besimin e qytetarëve tek një shtet që mbron interesat e tyre”.
