Nëse ndodh diçka, policia ka çdo gjë të fotografuar dhe të dokumentuar. Sikundër duket qartë edhe nga fotot në fjalë, reflektohet prania e shumë efektivëve të Policisë së Shtetit.
Ata nga tarraca e Ministrisë së Brendshme, fotografojnë dhe filmojnë qytetarët e pranishëm në tubim. Po kështu, masa të tilla sigurie janë parë edhe në protestat e tjera para Kryeministrisë, ku nuk kanë munguar edhe snajperat.
Gjatë protestës pati edhe një moment tensionimi mes mbështetësve të Aleancës së Mbrojtjes së Teatrit dhe disa personave, që nga artistët u quajtën provokatorë. Një person hodhi shashka, duke lënduar dy femra. Një prej tyre është gazetare.
