Gazetari Artan Hoxha, ka folur rreth arsenaleve të armëve të kapur ditët e fundit në Tiranë, të cilat rezultuan në pronësi të shtetasit Sokol Xhura.
I ftuar në emisionin “Radarin Informativ”, Hoxha tregoi detaje nga operacioni, teksa u hspreh arsenalet e armëve janë të lidhura ngushtë me ngjarje kriminale dhe pikërisht këto ngjarje kanë çuar në zbulimin e tyre.
Sipas tij, policia ka rënë në gjurmët e arsenaleve të armëve të rënda pas hetimeve të hollësishme të bëra për atentatin me eksploziv në Kamëz, ndaj Gjon Menës.
“Është rasti që policia dhe agjenci të tjera ka bërë një punë të mirë. Nuk besoj që është shtuar vullneti por mes radhëve ka oficer shumë të mirë që nëse lihen të bëjnë detyrën e bëjnë. Në të dy rastet. Historia e armëve u zbuluar duke ndjekur një atentat në Kamëz. Ndaj Gjon Menës me eksploziv. Kemi gjetur një depo të madhe por me pas depoja e dytë sa duhet të punësohen magazinierë për të mirëmbajtur. Është i grabitur në 97. Të ushtrisë tonë. Janë armë të kalibrit të madh. Mitrolozë, kundërajror për të goditur mjete fluturues”, tha Hoxha.
Ndër të tjera, gazetari deklaroi se këto armë të sekuestruara janë vjedhur në depot ushtarake gjatë vitit të trazirave 1997.
“Ka qenë në depot e 97. Janë grabitur 300 mijë armë të lehta. Prandaj është e lehtë të gjesh armë. Ndërsa këto janë mitrolozë të rëndë. Arsenali është me armë shqiptare dhe armë të tjera.”, u shpreh ai.
