Kërkuesit që po merren aktualisht me studimin ndaj koronavirusit, kanë gjetur një simptomë të re. Përpos etheve, temperaturës së lartë e kollës së vazhdueshme, shumë pacientëve u janë shfaqur edhe disa njolla të kuqe.
Shenjat klinike më të zakonshme të shfaqjes së koronavirusit janë ethet, kollë e thatë dhe lodhja. Personat që i kanë këto simptoma, duhet të kërkojnë ndihmën mjekësore.
Shenja të tjera të COVID-19 mund të jenë dhimbje të fytit, rrjedhje nga hunda ose diarre. Sipas njoftimit të Organizatës Botërore të Shëndetësisë, këto simptoma janë të buta dhe fillojnë gradualisht.
Por një nga gazetat e njohura britanike, “Express”, shkruan se ne mund të jemi të infektuar nga koronavirusi edhe nëse shohim se në lëkurën tonë janë shfaqur disa pika të kuqe, të cilat me kalimin e kohës acarohen dhe japin djegie.
Po sipas gazetës, dermatologët besojnë se zhvillimi i plagëve të dhimbshme dhe shenjave të kuqe, mund të lidhet me COVID-19. Më shumë se 400 dermatologë kanë dëshmuar se këto shenja dalin te pacientët me koronavirus.
Shkencëtarët kanë paralajmëruar mjekët, se duhet t’i kushtojnë më shumë rëndësi pacientëve që kanë këto simptoma në lëkurë.
Të moshuarit dhe ata me probleme mjekësore si presioni i lartë i gjakut, problemet e zemrës, diabeti, kanë më shumë mundësi t’iu rëndohet gjendja nga koronavirusi.
