Moti në fundjavë do të jetë me “teka” prandaj, mendohuni mirë nëse do të shkoni në plazh.
Kështu fundjava dhe java tjetër dominohen kryesisht nga kthjellimet, por gjatë mesditës dhe pasdites, në zonat malore do të ketë vranësira e shira të përkohshme.
Moti do të jetë njësoj deri të mërkurën e javës tjetër. Më pas, dita e enjte, por më tepër e premtja, parashikohet të jenë me shira të pakët, kryesisht në lindje dhe juglindje të vendit.
Temperaturat e ajrit rriten të premten dhe gjatë fundjavës tjetër, por të hënën mbeten thuajse konstante.
Dita e marte sjell rënie të temperaturave, me e ndjeshme rënia të mërkurën.
Në këto vlera termike mbetemi deri në fundjavën e fundit të korrikut, kur sërish do të ketë rritje të temperaturave, rritje që pritet të vijojë dhe ditët e para të gushtit.
