Një krim i rëndë ndodhi mbrëmjen e sotme në Labovë të Gjirokastrës, ku një 60-vjeçar humbi jetën pasi u qëllua me një gur në kokë.
Shtetasi Andrea Xhavarra, 60-vjeç, ka humbur jetën pasi është konfliktuar me një bashkëfshatar të tij në fshatin Labovë të Gjirokastrës.
Një debat që ka pasur shkak pronën, mësohet se ka ndodhur në prani të disa dëshmitarëve, raporton ‘Top Channel’.
Pas ngjarjes, policia e ka kapur autorin Jano Koleta në banesë. Ky i fundit raportohet se e ka qëlluar me gur në kokë Xhavarrën. Dëshmitarët kanë thënë se ai nuk ka dashur që ta vrasë 60-vjeçarin, por situata sipas tyre ka rrjedhur me shpejtësi. Uniformat blu kanë shoqëruar edhe 4 persona të tjerë, që e kanë parë ngjarjen.
