Kryeministri francez Edouard Philippe së fundmi ka marrë masa kufizuese për të ndaluar përhapjen e koronavirusit.
Ai ka urdhëruar mbylljen e hapësirave jo të dosmosdoshme publike nga mesnata. Sipas Philippe kjo masë do të zbatohet për restorantet, kafeteritë, kinematë, klubet e natës dhe disa biznese të tjera.
Philippe po ashtu i ka kërkuar popullit francez që të kufizojë udhëtimin nga qyteti në qytet.
Kujtojmë se Franca ka raportuar një rritje të dukshme të personave të infektuar me koronavirusin e ri të shtunën, nga 3,661 në 4,499.
Ndërsa numri i viktimave nga COVID-19 ka shkuar në 79.
