Ministrja e Arsimit, Besa Shahini, dha urdhrin për shtyrjen e datës së zgjedhjeve në universitetet e vendit. Shahini ka lëshuar një urdhër me disa pika, ku pavarësisht anulimit, i kërkon organeve drejtuese që të vijojnë punën me përgatitjet.
Lidhur me këtë çështje, Kreu i Shtetit Ilir Meta, ka deklaruar se vendimi i Ministres së Arsimit, Besa Shahini për të shtyrë zgjedhjet në universitete ishte i arsyeshëm.
“Unë mendoj se është një vendim i arsyeshëm dhe i pritshëm, pasi vendi është në gjendjen e fatkeqësisë natyre, e miratuar kjo nga Kuvendi. Kjo me qëllimin për të pasur zgjedhje demokratike”.
