Media gjermane, “Passauer Neue Presse”, shkruan se Papa Benedikti XVI ka një infeksion të rëndë në fytyrë.
Media thotë se e ka siguruar këtë informacion nga vetë biografi i Ratzinger, shkrimtari Peter Seewald.
Papa vuan nga një infeksion që duket se është rënduar edhe më shumë, pas vdekjes së të vëllait Georg. Sipas shkrimtarit, infeksioni tashmë i shkakton dhimbje të forta Benediktit XVI.
Seewald ka prezantuar në ditët e shkuara biografinë e re të Benediktit XVI. Në takim me të, pavarësisht sëmundjes Papa është shfaqur optimist, shkruan shtypi gjerman.
