Gjykata e Kukësit e ka shtyrë dhënien e vendimit për vlerësimi mase sigurie për 23 personat e arrestuar në protestë e së shtunës ne Rrugën e kombit.

Kështu, Gjykata e Kukësit do ta japë nesër në orën 09:00 masën për të arrestuarit.  Gjithashtu është caktuar dhe gjyqtarja që do të marrë në shqyrtim masën  e sigurisë për 23 qytetarët e arrestuar  ajo do të jetë Alma Ahmetaj.

Shkak  për shtyrje  është bërë volumi i dosjes dhe numri i madh i të ndaluarve.

“Nesër në orën 9:00, gjykata e Kukësit do të shprehet për 23 të arrestuarit njëherësh, që janë në paraburgim në Tiranë”. Kështu tha Isuf Shehu, kryetari i gjykatës së Kukësit.

Sipas tij, nuk po tejkalohen afatet për dhëninen e masës së sigurisë, pasi dosja e prokurorisë ka mbërritur vetëm sot rreth orës 9:30 dhe kështu gjykata ka kohë edhe 48 orë për ta shqyrtuar atë.

Menjëherë pas ndalimit, kuksianët e arrestuar u sollën në Drejtorinë e Policisë në Tiranë, ku edhe protestat për dy ditë u zhvendosën aty, nga të afërmit e të arrestuarve, madje bllokuan edhe rrugën.

Ata ndodhen në dhomat e paraburgimit në Tiranë, ndërsa dosjet kanë mbërritur në Gjykatën e Kukësit.

Rikujtojmë se policia e Kukësit është ende në kërkim të 13 personave të tjerë pjesëmarrës në protestën e Rrugës së Kombit.

Personat që janë në pritje të masës së sigurisë:

-Rasim Koloshi, 23 vjeç, banues në Kukës.

-Rasim Onuzi, 38 vjeç, banues në fshatin Nangë, Kukës.

-Florin Onuzi, 35 vjeç, banues në fshatin Nangë, Kukës.

-Shaban Selmani,  60 vjeç, banues në Kukës.

-Zenel Matmuja, 48 vjeç, banues në Kukës.

-Adem Duraku, 59 vjeç, banues në fshatin Morinë, Kukës.

-Xhevahir Gashi, 33 vjeç, banues në fshatin Nangë, Kukës.

-Armand Ademaj, 28  vjeç, banues në Kukës.

-Edmond Matmuja, 21 vjeç, banues në fshatin Pobreg, Kukës.

-Elton Cengu, 39 vjeç, banues në Kukës.

-Lefter Rexhmati, 38 vjeç, banues në fshatin Bushat, Kukës.

-Shpetim Toda, 44 vjeç, banues në Kolsh, Kukës.

-Xhevahir Hereni, 51 vjeç, banues në Kukës.

-Shemsi Trota, 54 vjeç, banues në Shtiqen, Kukës.

-Vasil Laçi, 31 vjeç, banues në Kukës.

-Lulëzim Uka, 33 vjeç, banues në Kukës.

-Ervis Oruçi, 25 vjeç, banues në  Kukës.

-Ardit  Alidini, 21 vjeç, banues në Kukës.

-Fatos Harulla, 33 vjeç, banues në Kukës.

-Sajmir Trota, 33 vjeç, banues në Kukës.

-Lulzim Popa, 60 vjeç, banues në Kukës.

-Shkelqim Vata, 42 vjeç, banues në Surroj, Kukës.

-Abdi Haziraj, 49 vjeç, banues në Kukës.