Në 24 orët e fundit janë kryer 291 testime, nga të cilat janë konfirmuar 44 raste pozitive. Kjo është një shifër e frikshme, duke krahasuar situatën edhe me muajt më parë që nga nisja e pandemisë.
Shefja e Survejancës dhe Shërbimit të Inteligjencës Epidemike në ISHP, Eugena Tomini, u shpreh në ‘Report Tv’, se pavarësisht numrave në rritje, rimbyllja nuk është marrë në konsideratë.
Po kështu ajo këshilloi qytetarët se jo vetëm izolimi, por edhe ndërgjegjësimi është me mjaft rëndësi. Vetëizolimi është shumë i rëndësishëm për ata që janë të prekur, për 14 ditë.
“Jo, nuk kemi rikthim pas, sepse strukturat shëndetësore në pjesën e parë të epidemisë ishim të panjohur me virusin. Tani strukturat aktualisht në spitale janë në linjën e parë të pritjes për çdo rast të dyshimtë. Nuk parapërgatitemi për rikthim, por për të ndërgjegjësuar më shumë popullatën në respektimin e masave. Nuk do të jetë më vetëm izolimi, por edhe ndërgjegjësimi i popullatës. Vetëizolimi është shumë i rëndësishëm për ata që janë të prekur, për 14 ditë”.
