Maqedonia e Veriut ka ngritur alarmin pasi numri i rasteve të infektimeve është rritur sërish. Vetëm gjatë 24 orëve të fundit, në vendin fqinj janë shënuar 120 raste të reja dhe dy viktima.
Kjo ka bërë që në disa vende si Shkup, Tetovë, Kumanovë dhe Shtip të rivendoset kufizimi i lëvizjes nga ora 21:00 deri të hënën në 05:00.
Ndërsa në qytetet tjera do të ketë regjim më të lehtë të masave lehtësuese. Zyrtarët e rendit thonë se do të ndërhyhet me polici nëpër restorante e deri edhe në shtëpi private për të evituar grumbullimet e panevojshme.
Drejtuesit e institucioneve kanë bërë thirrje për respektimin e masave, pasi në të kundërtën mund të aplikohen masa shtesë. Masa këto jo vetëm lidhur me ndalimin e punës së bizneseve, por edhe të lëvizjes së qytetarëve në gjithë vendin.
