Një shtatore e Gjergj Kastriot Skënderbeut do të vendoset edhe në qendër të qytetit të Ulqinit.
Lajmin e ka bërë të ditur, kryetari i Komunës së Ulqinit, i cili shprehet se ky vendim ka marrë edhe miratimin e Ministrisë së Kulturës. Mësohet se shtatorja do të vendoset në rrethrrotullimin, në qendër të qytetit të Ulqinit, tek ndërtesa e Komunës.
Kjo vjen në kuadër të 550-vjetorit të vdekjes së heroit kombëtar, teksa kujtojmë që edhe bulevardi në të cilin gjendet rrethrrotullimi mban emrin e tij.
