Një shqiptar është arrestuar nga policia italiane, sapo zbriti nga trageti, pasi u kap nga autoritetet me 6 kg kokainë të fshehur në pjesën e pultit të makinës.
43-vjeçari, me inicialet E.B, banues në Emilia Romagna ishte duke udhëtuar me vajzën e tij 5 vjeçe dhe me bashkëshorten.
Policia po kryente kontrolle të zakonshme në portin Gallura, kur nisi dyshimet tek shqiptari për shkak të nervozizmit të tij kundër kontrollit, ndërsa mendohet se nëse ai do ta shiste drogën do të fitonte 1.5 milionë euro.
Pas kësaj, ata shoqëruan makinën deri në ambientet e policisë me tre personat në bord. Atje, makina u kontrollua tërësisht, dhe pas çmontimit të pjesës së “airbag-t”, u gjetën 6 kg kokainë dhe 16 gram heroinë.
Shqiptari u arrestua, ndërsa bashkëshortja e tij rumune dhe vajza e mitur u lanë të lira.
