Familja e shqiptarit Alfred Ismaili, i cili gjeti vdekjen në bordin e një anije mallrash në Norfolk, janë duke pritur lajmin se kur do të marrin kompensimin financiar për vdekjen e të afërmit të tyre, shkruan Tirana Today.
Marinari shqiptar Alfred Ismaili u shpall i vdekur në bordin e Explorer Sky Mare Navigation (SMN) në Alexandra Dock të Lynn më 1 shkurt.
Por me vdekjen e burrit të saj, bashkëshortja dhe tre fëmijët e vegjël nuk kanë marrë dëmshpërblim, dhe janë kthyer në Shqipëri ku jetojnë me rreth 130 euro në muaj.
Por SMN ka thënë se është në pritje të rezultatit të hetimit të Degës së Hetimeve të Aksidentit Detar para se të ndërmarrë hapat e tij të ardhshëm. Kompania ku ai punonte ka mbuluar shpenzimet e varrimit.
Në një intervistë të regjistruar për BBC Radio Norfolk, Ahmet Bajrami, një i afërm i Ismailit, tha se familja po lufton, pasi nuk janë në gjendje të mirë ekonomike, raporton edp24.co.uk.
Ai tha se gruaja e Ismailit dhe fëmijët po jetojnë me babanë e saj në shtëpinë e këtij të fundit. Kur u pyetën nëse ata ishin kontaktuar nga pronarët e anijes, Bajrami tha se nuk dinin asgjë.
Një zëdhënës nga SMN tha se Ismaili kishte qenë nën sigurimin e mbrojtjes dhe dëmshpërblimit (P & I), i cili mbulon detyrimet ligjore të një anëtari të anijes ndaj palëve të treta.
Zëdhënësi i SMN shtoi: “Po përpiqemi të ndihmojmë sigurimet dhe të identifikojmë familjen. Ata nuk mund të paguajnë kompensim përpara se autoritetet të përfundojnë hetimin.
Ne jemi ende duke pritur për përfundimin e hetimit në mënyrë që të përjashtojmë çdo skenar tjetër.
SMN kanë mbuluar tashmë shpenzimet e varrimit nga llogaria jonë në mënyrë që të mos e ngarkojmë më tej familjen”.
Një hetim për vdekjen e Ismailit është hapur dhe seanca ardhshme paraprake e hetimeve është planifikuar për t’u mbajtur me 16 gusht. TIRANA TODAY
